كلام المعقول بالدارجة

"وعسى أن  تكرهو شيءا و هو خير لكم" الخطأ الفادح اللي طاح فيه الديوان الملكي زْكَى كْلامناَ بْلِي شي وْحْدِينْ مَااااااااشي فمستوى ثقة جلالة الملك.
شحااال وحنى تَنَّاديوْ بإعفاء بعض المسؤولين السامين و الوزراء و السفراء و كان دَيْمَنْ الجواب : متديش عليه راه فيه سكار و مريض مسكين وعطى للدولة، متهدرش معاه راه مكاميش مدمن كحول مرمضن، خَلِيه عليك راه العام جاي يمشي لتقاعد، راه أصاحبي دكتور قْرَى في فرانسا واش غدي تعرف حسَن منو؟...
دابا القصر راه سْتَوْعَبْ الدرس،ىو من الآن لا ثقه عَمْيَا في أيٍ كان و طالب من وزارة العدل بَاشْ تَقتارح مسطرة أخرى للعفو.
الوحش تْعْتاَقْل ْ و غدي إكمَّل عقوبة السجن في "بلادو".
المعقول دابا تيقول "لي غْلْبْ يْعَفْ" و داك شي لي حتجو عليه الناس تلغى و سيدنا فهم الميساج و عْرفْ شكونْ وطني و شكون منافق مع الغَالْبَهْ.....
لي تَيْناَدِي بملكية برلمانية الآن راه غَادي إِخْذَمْ غي مصلحة لوبي الفساد اللي عارف رَا فئة كبيرة من الشعب يمكن شرائْهاَ بسهولة و أن الأعيان هٌمَا لي مسيطرين على الشارع و الإقتصاد و السياسة و الإعلام .....
راه هذ اللوبي إلى مكانش الملك راه غذي إدير فالبلد غزاوه ديمقراطيا بصناديق الإقتراع....
سْتَافْدٌو من تجارب المحيط ديالنا، شوفو مصر شوفو ليبيا شوفو تونس شوفو سوريا شوفو اليمن.....
أنا متنقولش للناس متداهروش، بالعكس تظاهرو في حدود المعقول و سْمِّيْوْ الشفاره، قولو "فلان شفار مبغيناهش" .
وبغي نقول للعدميين و المتطرفين يساريين و إسلاميين راكوم تتزكيو لفساد، و الملك عندو شعبو و الملك مكرهش ملكية برلمانية، لكن معامن؟ مع شباط و رباعتو اللي دارو فيكم غزاوه في الإنتخابات؟
كون مكانش الملك قْوي كٌن صَوَطْكٌمْ شباط.... إوا أَجيو تخذمو بتجرد من الذاتية و نخدمو جميعا مصلحة الوطن و الشعب...

محمد قنديل.